Colloquia Scholastica (Anglice) Haec pagina ultimum mutata est: 2011-04-07.

Discipuli magistrandi et professores qui cum Instituto Studiis Latinis Provehendis conjunguntur nunc operam variis instrumentis dant, quibus liceat neo-latinis scholasticis colloquiis et uti et frui. Haec colloquia plerumque decimo sexto saeculo in lucem sunt edita (vide chronologiam). Haec est pagella principalis ubi aditus in hoc inceptum praebetur.

• Iam archivum, quod circiter sescenta et quinquaginta colloquia complectitur, in lucem edidimus. Usi sumus programmate 'Perseus Hopper' quod dicitur, quo licet singula verba quaerere, morphologiam intelligere, lexicon recta via adire et omnium colloquiorum concordantia frui, quae colloquia infra indicata vides:
  • Franciscus Cervantes de Salazar (1514?-1575), Ad Exercitia Linguae Latinae Dialogi
  • Sebastianus Castalio (1515-1563), Dialogorum Sacrorum Libri Quatuor
  • Maturinus Corderius (1479-1564), Colloquia scholastica
  • Laurentius Corvinus (ca. 1465-1527), Latinum Ydeoma
  • Martinus Duncanus (1505-1590), Praetextata Latine Loquendi Ratio
  • Desiderius Erasmus (1466-1536), Colloquia familiaria
  • Ioannes Fontanus (1545-1615), Hortulus puerorum pergratus ac perutilis Latine discentibus
  • Petrus Mosellanus (1493-1524), Paedologia
  • Beraldus Nicolaus (1473-1550), Dialogus quo rationes quaedam explicantur quibus dicendi ex tempore facultas parari possit
  • Jacobus Pontanus (1542-1626), Progymnasmatum Latinitatis, sive Dialogorum Volumen primum, cum annotationibus
  • Petrus Popo, Colloquia de Scholis Herbipolensibus
  • Johannes Ludovicus Vives (1492-1540), Exercitatio Linguae Latinae
  • ... necnon alia quae tunc in lucem edentur cum illa transcripserimus adhibentes semper, ut supra, linguam computatralem XML secundum normam TEI.


• Villelmus du Cassé aliis cum condiscipulis iam plus quam triginta quinque colloquia, viva voce recitata, in taeniis servavit, quae podcasts appellantur. (Haec colloquia servata sunt secundum normam MP3).
  • Licet illa ope computatoria auscultare, nexu "Ausculta nunc" electo, qui in pagina nostra FeedBurner invenitur.
  • Licet etiam "podcasts" illa e rete depromere et audire programmate iTunes adhibito, indeque documenta ad instrumentum quod "iPod" vocatur mittere. Si volueris subscribere huic "Podcast" necesse est iTunes aperire, "Advanced" eligere, deinde "Subscribe to Podcast" eligere. Tunc oportebit hunc nexum describere:
    http://www.stoa.org/colloquia/podcasts/channel-01.xml


• Dorothea Porter forma "QuickTime" creavit parvas pelliculas quorundam Erasmi colloquiorum (quibus textus et sonus per documenta SMIL conjunguntur) :
• Abbatis et Eruditae
• Adolescentis et Scorti
• Echo (hanc pelliculam primum inspicias!)
• Proci et puellae
(His in pelliculis documenta SMIL sonos et textus simul praebent. Omnia primigenia documenta possunt e rete depromi.)
• Quidam Erasmi dialogi praefatiunculis et interrogatis discipulis destinatis instructi praebentur in situ a Guinevera K. Nelson parato, cui nomen Colloquia familiaria selecta.